荊州旅遊(11)

有賴領導Kay YU 介紹可在郵輪上upgrade上VIP餐廳，全程膳食非常美味和工作人員服務十分友善，值得介紹給朋友

一次難忘旅程~ 長江三峽七天之旅 先感謝我團領隊～呀廣 就喺前幾晚我同媽媽喺武漢經歷咗一件令我非常難忘嘅事。 前幾晚，我、我媽團友一齊去行一間超級市場。正當我哋喺貨架之間行嘅時候，有三個後生仔從媽媽身邊經過。其中一個人嘅電話突然跌咗落地，對方即刻轉身，鬧係媽媽撞到佢先搞到電話跌爛，要我哋賠錢。 我哋當然唔肯，當場同佢哋理論，好彩我立即打電話俾領隊啊廣，佢響九秒九就由酒店房跳咗落嚟超級市場… 領隊啊廣一邊用流利嘅普通話同嗰三個後生仔溝通，一邊幫我哋解釋。見對方態度好硬，我哋最後決定報警處理。 警察好快就到咗，瞭解完情況之後，領隊啊廣就陪我媽媽返派出所進一步調查。我同其他團友打車去派出所。 返到派出所，領隊啊廣全程陪住我媽媽，佢使出美男計同埋渾身解數，令到我媽媽唔好咁緊張、減低我媽媽嘅焦慮感覺。 後嚟警察睇番超級市場嘅閉路電視畫面出嚟。畫面清清楚楚顯示，媽媽完全冇碰到任何人，電話係個男仔自己跌嘅，同媽媽無關。 終於還媽媽一個清嘅清白，領隊啊廣同我都鬆咗一口氣，離開之前，大家仲特登喺派出所門口影相留念—張相，紀錄嘅唔止係一場誤會，仲有警察嘅公正嚴明，同埋領隊啊廣嘅細心解陪住我媽媽。 此晚嘅經歷，令我深深體會到，旅行入面最重要嘅唔止係風景，而係遇到困難嘅時候有領隊企喺你身邊，陪伴、專業嘅解釋即是安撫心靈。 好多謝武漢公安(警察)快速、公正嘅處理，亦好多謝領隊啊廣一路相助。呢個特別嘅回憶，成為咗我今次旅程中最難忘、最搞笑嘅一頁。